बिष्णु पौडेल
चितवन १५ माघ
पश्चिम चितवनको रामपुरमा नहरको डिलमा रहेको रुख काट्ने क्रममा आज दिउसो बाटोमा गुडीरहेको मोटरसाइकल माथि पर्दा मोटरसाइकलमा सवार एक जनाको घटनास्थलमै मृत्यु भएको छ । जिल्ला प्रहरी कार्यालय चितवनले दिएको जानकारी अनुसार भरतपुरबाट मेघौली तर्फ जादै गरेको ना ६ प २०९४ नम्बरको मोटरसाइकलमा सवार  दिव्यनगर गाउ विकास समिति वडा नं. ५ निवासी ३० बर्षिय होमलाल अर्यालको मृत्यु भएको हो । मोटरसाइकल चालक मेघौली गाविस वडा नं. ७ का ३१ बर्षिय भेषराज भुषाल घाइते भएका छन् । उनको चितवन मेडिकल कलेजमा उपचार भैरहेको छ । खगेरी खोलाबाट पश्चिम चितवनको सिंचाईका लागि बनेको नहरको डिलमा रहेको रुख काट्ने क्रममा रुख ढल्दा मोटरसाइकल माथि परेको हो । घटनापछि स्थानिय बासीन्दाले बाटो अवरुद्ध पारेका छन् ।